إلهام علاء – مصر
نشرت الفنانة المصرية آيتن عامر فيديو عبر حسابها الرسمي بموقع تبادل الصور والفيديوهات “انستجرام” وقالت فيه “أنا بقالي شهر ونص من أول ما الكارثة دي حصلت وأنا مبعلنش غير عن الكوارث اللي بتحصل هناك والأكونت بتاعي كان هيتقفل بسبب الحاجات اللي بنشرها طول الوقت، فزي ما إحنا مؤمنين بالقضية وبندعمها بكل ما أوتينا من قوة بيصعب عليا أوي لما بلاقي حد من زملائي بيعلن عن شغله والناس بتهاجمه وتقوله أنت مش حاسس بالناس ومعندكش دم”.
وتابعت: “كلنا متأثرين بس ردود الأفعال غريبة شوية دة شغلنا ودي طبيعة شغلنا والإعلان عن شغلنا من ضمن العقد، فليه بتهاجمونا أننا بنعلن عن شغلنا أو أننا أصلا بنمارس شغلنا ده مش سبب منطقي أبدآ، إحنا ممكن نهاجم حد متكلمش عن القضية أصلا ولو إني شايفة أن دي حرية شخصية برده، ومش معنى أننا بنعلن عن شغلنا أننا بنشغل الرأي العام عن القضية لأن نفس الأكونت اللي بيعلن عن شغله هو نفس الأكونت اللي بينشر الكوارث اللي بتحصل في فلسطين”.
وأضافت: “لية واخدين موقف أوي كدة من الفنانين وبيصعب عليا أوي فارجوكم إستوعبوا أن الإعلان عن شغلنا دة جزء من شغلنا إحنا ملزمين بيه وجزء من عقدنا، وإحنا أكيد مش عايزين شغلنا يتأثر لأن محدش بينفع حد ولا حد بيحس بحد فكفاية هجوم لأن زي ما أنتو بتعملوا شغلكم إحنا كمان بنعمل شغلنا ومحدش يزايد على حد محدش عارف إحنا بنمر بإيه واللي عايز يعمل إلغاء متابعة يعمل ده رأيك الشخصي”.
https://www.instagram.com/reel/Cz6ZZEktou2/?igshid=MzRlODBiNWFlZA==