هيئة تحرير كيد النسا
طرح النجم المصري رامي جمال اغنيته الجديدة
“وجوده تعبني” عبر المنصات الموسيقية، وكذلك قناته الرسمية على موقع يوتيوب.
الأغنية، من كلمات عمرو المصري، ألحان عمرو الشاذلي، وتوزيع عمرو الخضري. يستعد رامي جمال لإطلاق ألبومه الجديد “مش لاقيكي”، في أول أيام يناير 2025.
وجاءت كلمات أغنية “وجوده تعبني” على النحو الآتي:
ربنا يبعد بينه وبيني
يبعد عني ويبقى ناسيني
ده وجوده تعبني وعذبني
ودموعي خلصت من عيني
ربنا ياخد حقي وأشوفه
عايش بعدي يموت من خوفه
وبحق الأيام الصعبة
يتعب ويعاني مع ظروفه
وأنا عن نفسي
نفسي عينينا متشوفهوش
حتى بصدفة مقابلهوش
حتى سلام مش عايز أقولها
يمشي وعادي مودعهوش
وأنا عن نفسي
تعبت وقلبي مش مرتاح
لكن هفرح أوي لو راح
هم كبير يتشال من قلبي
وهودع من بعده جراح
يلا خلاص أهو راح من بالي
بقى زي الهواء بالنسبة ليّ
عيشت أنا بتعب ياما عشانه
وعاش هو بيكسرني ليالي
ربنا شاهد على اللي آسيته
واللي أنا شيلته في عيني داريته
أداني تمن الحب ده قسوة
بس خلاص خفيت ونسيته
وأنا عن نفسي
نفسي عينينا متشوفهوش
حتى بصدفة مقابلهوش
حتى سلام مش عايز أقولها
يمشي وعادي مودعهوش
وأنا عن نفسي
تعبت وقلبي مش مرتاح
لكن هفرح أوي لو راح
هم كبير يتشال من قلبي
وهودع من بعده جراح