إلهام علاء – مصر
إتهمت الإعلامية ريهام سعيد طبيب التجميل اللبناني الشهير نادر صعب بتشويه وجهها، بعد إجرائه لها عملية تجميل شد وجه فاشلة.
وظهرت ريهام سعيد في بث مباشر عبر حسابها علي موقع “إنستجرام”، وقالت: “أنا لأول مرة أظهر لايف دون فلتر أو مكياج عشان تشوفوا نتيجة العملية اللي عملتها في بيروت والتشويه اللي حصلي ، أنا بتعالج بقالي 3 شهور نتيجة العملية الفاشلة اللي عملتها”.
https://www.instagram.com/tv/C2e-ETsocUC/?igsh=MXd3NWF6eWRjMWwzdA==
تابعت: “هل ده شكلي؟ هل ده شكل ريهام سعيد؟ الدكتور بعد ما عمل العملية عمل فيلر حول عينيا، لان في حفر ظهر بعد العملية الفاشلة، بوظ شكلي وعمل خياطة بجانب عيني وحواجبي بقت زي الشيطان، أنا مسحت الحاجبين وعملت تاتوه وعدلت شكل الحاجب، أنت بتقول أن التشوه حصل نتيجة عمليات سابقة أنا عملت عملية واحدة من 10 سنين وكانت عملية ناجحة وكنت أتمني يكون الدكتور موجود لكنه توفي بكورونا، ومين الست اللي أنت حاطتها دي؟ والدتك؟ أنا بروح لدكتور بيعالج اللي انت عملتلو في وشي وبداري بالمكياج، ياجماعة أوعوا حد يتعامل معاه، بوظ وش الناس في لبنان رايح أربيل يبوظ الباقي، عارف أنا هرفع عليك قضية وهسافر بكرة لبنان وهخليك تبطل الطب عشان أنت أذيت ناس كتير أوي”.
https://www.instagram.com/tv/C2fCJJvI_1E/?igsh=MXNqc293YTZ0NGgxbw==
ويذكر أن ريهام سعيد كتبت عبر حسابها الرسمي بموقع التواصل الإجتماعي”فيسبوك” وذلك تعليقآ علي الصورة” قبل وبعد” التي نشرها الطبيب نادر صعب عبر حسابه بموقع “إنستجرام” للعملية الجراحية التي أجرها لريهام قائلة: ” يعني أنت لدرجه إنك شوهتني، وعرفت إنك موت ناس قبلي و بتحط صورة لواحده مش أنا خالص و تقول إنها انا ؟ انا كنت زي القمر قبل ما أجي لك حد عمره شافني شكلي كده، عارف أنت لازم تبطل أذيه للناس لازم أنا بحذر كل الناس منك أنا هاطلع لايف من غير فلتر أوري الناس أنت عملت ايه؟
وكانت الإعلامية ريهام سعيد تعاقدت مع قناة “هي” في نوفمبر الماضي، لتقديم برنامج “صبايا” بعد فسخ تعاقدها مع قناة “الشمس”، حيث قامت بنشر بوست عبر موقع التواصل الإجتماعي” الفيسبوك” أعلنت فيه إعتذارها لقناة “الشمس” بسبب مرورها بأزمة صحية وإتخاذها جميع الإجراءات القانونية لفسخ العقد.